Istanteko transkripzioa

Istanteko transkripzioa eta soinu-jakinarazpenak izeneko aplikazioarekin, gorrek eta entzumen-arazoak dituztenek erraztasun handiagoz hautemango dituzte eguneroko elkarrizketak eta inguruneko soinuak, Android-eko telefonoarekin.

Gailu gehienetan, Istanteko transkripzioa eta soinu-jakinarazpenak irekitzeko, egin urrats hauek:
1. Ireki gailuko Ezarpenak aplikazioa.
2. Sakatu Erabilerraztasuna.
3. Erabili nahi duzun eginbidearen arabera, sakatu Istanteko transkripzioa edo Soinu-jakinarazpenak.

Bestela, Erabilerraztasuna botoia, keinu bat edo Ezarpen bizkorrak erabil ditzakezu Istanteko transkripzioa edo Soinu-jakinarazpenak abiarazteko (https://g.co/a11y/shortcutsFAQ).

Denbora errealeko transkripzioak
• Lortu transkripzioak denbora errealean 120 hizkuntza eta dialektotan baino gehiagotan. Gehitu maiz erabiltzen dituzun hitz pertsonalizatuak; adibidez, izenak edo etxeko gauzak.
• Ezarri telefonoa dardara egin dezan norbaitek zure izena esaten duenean.
• Idatzi erantzunak elkarrizketan bertan.
• Audioa hobeto jasotzeko, erabili entzungailu kabledunetako eta Bluetooth bidezko entzungailuetako kanpoko mikrofonoak edo USB bidezko mikrofonoak.
• Telefono tolesgarrietan, erakutsi transkripzioak eta idatzitako erantzunak kanpoko pantailan, besteekin komunikatzea errazagoa izan dadin.
• Gorde transkripzioak 3 egunez. Gordetako transkripzioak gailuan izango dituzu 3 egunez, eta beste tokiren batean kopiatu eta itsatsi ahal izango dituzu. Modu lehenetsian, transkripzioak ez dira gordetzen.

Soinu-jakinarazpenak
• Jaso inguruko soinu garrantzitsuei buruzko jakinarazpenak, hala nola ke-alarma bat entzuten denean edo haur batek negar egiten duenean.
• Gehitu jakinarazpen-soinu pertsonalizatuak etxetresnek bip-soinuak igortzen dituztenerako.
• Berrikusi azken 12 orduetako soinuak, inguruan gertatzen ari denaren berri izateko.

Eskakizunak:
• Android 12 eta bertsio berriagoak

Istanteko transkripzioa eta soinu-jakinarazpenak aplikazioa Gallaudet University-rekin, AEBko gorrentzako eta entzumen-arazoak dituztenentzako unibertsitate garrantzitsuenarekin, elkarlanean sortu da.

Laguntza eta iritziak
• Oharrak bidali eta produktuen eguneratzeak jasotzeko, sartu Google-ko Accessible taldean helbide honen bidez: https://g.co/a11y/forum.
• Istanteko transkripzioa eta soinu-jakinarazpenak erabiltzeko laguntza lortzeko, jarri gurekin harremanetan https://g.co/disabilitysupport helbidean.

Baimenen oharra
Mikrofonoa: Istanteko transkripzioa eta soinu-jakinarazpenak aplikazioak mikrofonoa erabiltzeko baimena behar du inguruko hizketak eta soinuak transkribatze aldera. Audioa ez da gordeta geratzen transkripzioak edo hautemandako soinuak prozesatu ostean.
Jakinarazpenak: soinu-jakinarazpenak darabiltzaten eginbideek jakinarazpenak erabiltzeko baimena behar dute soinuen berri eman ahal izateko.
Inguruko gailuak: Istanteko transkripzioa aplikazioak inguruko gailuak erabiltzeko baimena behar du Bluetooth bidezko mikrofonoekin konektatzeko.