Microsoft To Do: Lists & Tasks

Microsoft To Do aplikazio sinple eta adimendunari esker, egitekoen zerrendak sor ditzakezu erraz, eguna antolatuta izateko. Lanerako, eskolarako nahiz etxerako gauzak antola ditzakezu To Do erabilita; horrela produktibitatea hobetuko duzu eta lasaiago ibiliko zara. Teknologia adimenduna eta diseinu ederra bateratu egiten dira eguneko gauzak egiteko prozesua erraz antolatzeko.

Antolatu eta planifikatu eguna

Antolatu eguna To Do aplikazioaren iradokizun adimendunei esker, egunero egin beharreko zeregin garrantzitsuenak gauzatzeko. Telefonoaren eta ordenagailuaren artean sinkronizatzen da To Do, egitekoak eskolan, bulegoan nahiz dendan zaudela ikusi ahal izan ditzazun, baita munduan zehar bidaiatzen ari zarela ere.

Partekatu zerrendak familiarekin eta lankideekin

Zerrendak partekatzeko aukerari esker, zerrenda eta zeregin komunak parteka ditzakezu, errazagoa izan dadin helburuak denon artean lortzea. Lan-elementuen zerrendak lan-taldeekin nahiz erosketa-zerrenda bikotekidearekin partekatu nahi baduzu ere, partekatze-estekak erabilita oso erraza da talde txikietan nahiz buruz buru lanean aritzea. Inoiz baino errazagoa da orain denon artean lan egitea!

Zatitu zereginak elementu txikiagoetan

Urratsak (azpizereginak) erabilita, edozein egiteko zati dezakezu txikiagoak diren elementuetan, haietan ekintzak gauzatzeko. Erabiltzaileen produktibitatea hobetzeko, egiteko bakoitzak daukan urrats kopurua (azpizereginak) adierazten da, baita orain arte haietako zenbat gauzatu diren ere. Gainera, gauzatze-egoera mantenduko dute urratsek egitekoa osatutako edo osatu gabeko markatu ondoren ere.

Ezarri mugaegunak eta abisuak

Edonon zaudela ere izango duzu aukera egitekoak antolatzeko eta programatzeko. Inolaz ere ahaztu ezin dituzun egitekoetan abisuak eta mugaegunak gehi ditzakezu, eta geu arduratuko gara haietaz gogorarazteaz. Horrez gain, egunero, astero edo urtero gauzatu beharreko egitekoak badituzu, mugaegun errepikariak konfigura ditzakezu, garaia iristen denean abisuak jasotzeko.

Gehitu oharrak zereginetan

Oharrak idazteko ere erabil dezakezu To Do. Egiteko bakoitzean edonolako oharrak gehi ditzazu, hala nola helbideak, irakurri nahi duzun liburu baten izenburua, gustatzen zaizun kafetegi baten webgunea, eta beste. Zeregin eta ohar guztiak toki berean gordeta, askoz errazago egingo duzu egin beharrekoa.

Outlook-ekiko integrazioa

Outlook Posta aplikazioarekin integratuta dagoenez, ordenagailuko Outlook aplikazioan ere ikus ditzakezu zereginak, baita Outlook.com webgunean ere Microsoft kontua erabilita. Exchange Online zerbitzarietan gordetzen dira egiteko guztiak, Microsoft To Do aplikazioan eta Outlook-en zereginetan ager daitezen automatikoki.

Planifikatu zertan kontzentratu nahi duzun goizero, eta egitekoak gauzatzeko motibazio ezin hobearekin hasiko duzu eguna. Doan deskarga eta erabil dezakezu egitekoen zerrenden aplikazio hau. Hainbat eginbide pertsonaliza ditzakezu gainera, adibidez, gaiak, oharrak, abisuak, mugaegunak, iradokizun adimendunak eta gailuetako sinkronizazioa. Laburbilduz, bizitza errazteko eta gauza gehiago egiteko behar duzun guztia izango duzu. Ezinbesteko tresna izango duzu eguna behar bezala antolatzeko.

Informazio gehiago: http://to-do.microsoft.com
Jarrai iezaguzu: https://twitter.com/MicrosoftToDo
Ideiak edo eginbideen iradokizunak: https://todo.uservoice.com/
Laguntza: https://todosupport.microsoft.com/support?product_id=todo

Microsoft To Do instalatzearekin, erabiltzeko baldintza hauek onartuko dituzu: https://go.microsoft.com/fwlink/?linkid=842577