ການເຂົ້າເຖິງດ້ວຍສະວິດ

ຄວບຄຸມໂທລະສັບ ຫຼື ແທັບເລັດຂອງທ່ານໂດຍໃຊ້ສະວິດ ຫຼື ກ້ອງຖ່າຍຮູບໜ້າ. ທ່ານສາມາດໃຊ້ສະວິດເພື່ອເລືອກລາຍການຕ່າງໆ, ເລື່ອນ, ປ້ອນຂໍ້ຄວາມ ແລະ ອື່ນໆໄດ້.

ການເຂົ້າເຖິງດ້ວຍສະວິດຊ່ວຍໃຫ້ທ່ານໂຕ້ຕອບກັບອຸປະກອນ Android ຂອງທ່ານໄດ້ໂດຍນຳໃຊ້ໜຶ່ງ ຫຼື ຫຼາຍສະວິດແທນໜ້າຈໍສຳຜັດ. ການເຂົ້າເຖິງດ້ວຍສະວິດຈະເປັນປະໂຫຍດຖ້າຫາກທ່ານບໍ່ສາມາດໂຕ້ຕອບກັບອຸປະກອນຂອງທ່ານໄດ້ໂດຍກົງ.

ເພື່ອເລີ່ມຕົ້ນ:
1. ເປີດແອັບການຕັ້ງຄ່າຂອງອຸປະກອນຂອງທ່ານ.
2. ແຕະການຊ່ວຍເຫຼືອພິເສດ > ການເຂົ້າເຖິງດ້ວຍສະວິດ.

ຕັ້ງຄ່າສະວິດ

ການເຂົ້າເຖິງດ້ວຍສະວິດຈະສະແກນລາຍການຕ່າງໆຢູ່ໜ້າຈໍຂອງທ່ານ ແລະ ໄຮໄລ້ແຕ່ລະລາຍການຈົນກວ່າທ່ານຈະເລືອກເອົາ. ທ່ານສາມາດເລືອກໄດ້ຈາກສະວິດສອງສາມປະເພດ:

ສະວິດແທ້
• ສະວິດ USB ຫຼື Bluetooth, ເຊັ່ນ: ປຸ່ມ ຫຼື ແປ້ນພິມ
• ສະວິດຢູ່ອຸປະກອນ, ເຊັ່ນ: ປຸ່ມລະດັບສຽງ

ສະວິດກ້ອງຖ່າຍຮູບ
• ອ້າປາກ, ຍິ້ມ ຫຼື ຍົກຄິ້ວຂອງທ່ານຂຶ້ນ
• ເບິ່ງຊ້າຍ, ຂວາ ຫຼື ຂຶ້ນເທິງ

ສະແກນອຸປະກອນຂອງທ່ານ

ຫຼັງຈາກຕັ້ງຄ່າສະວິດ, ທ່ານສາມາດສະແກນ ແລະ ໂຕ້ຕອບກັບສິ່ງຕ່າງໆຢູ່ເທິງໜ້າຈໍໄດ້.

• ການສະແກນແບບເສັ້ນຊື່: ເຄື່ອນຍ້າຍໄປມາລະຫວ່າງລາຍການຕ່າງໆເທື່ອລະອັນ.
• ການສະແກນແຖວ-ຖັນ: ສະແກນເທື່ອລະແຖວ. ຫຼັງຈາກເລືອກແຖວແລ້ວ, ໃຫ້ເຄື່ອນຍ້າຍຜ່ານລາຍການຕ່າງໆໃນລາຍຊື່ນັ້ນ.
• ການສະແກນຈຸດ: ໃຊ້ເສັ້ນທີ່ເຄື່ອນໄຫວເພື່ອເລືອກຕຳແໜ່ງລວງນອນ ແລະ ລວງຕັ້ງ, ຈາກນັ້ນກົດ "ເລືອກ".
• ການເລືອກກຸ່ມ: ກຳນົດສະວິດໃຫ້ກັບການຈັດກຸ່ມສີຕ່າງໆ. ລາຍການທັງໝົດໃນໜ້າຈໍຈະຖືກກຳນົດສີ. ກົດສະວິດທີ່ກົງກັບສີອ້ອມຮອບລາຍການທີ່ທ່ານຕ້ອງການ. ຫຼຸດຂະໜາດຂອງກຸ່ມໃຫ້ແຄບລົງຈົນກວ່າທ່ານຈະໄປຮອດຕົວເລືອກທີ່ຕ້ອງການ.

ໃຊ້ເມນູ

ເມື່ອເລືອກອົງປະກອບແລ້ວ, ທ່ານຈະເຫັນເມນູພ້ອມກັບການໂຕ້ຕອບທີ່ນຳໃຊ້ໄດ້ ເຊັ່ນ: ເລືອກ, ເລື່ອນ, ສຳເນົາ, ວາງ ແລະ ອື່ນໆ.
ນອກຈາກນີ້ຍັງຈະມີເມນູຢູ່ເທິງສຸດຂອງໜ້າຈໍເພື່ອຊ່ວຍໃຫ້ທ່ານເຄື່ອນຍ້າຍໄປທົ່ວອຸປະກອນຂອງທ່ານໄດ້ນຳອີກ. ຕົວຢ່າງ: ທ່ານສາມາດເປີດການແຈ້ງເຕືອນ, ໄປທີ່ໂຮມສະກຣີນ, ປ່ຽນລະດັບສຽງ ແລະ ອື່ນໆ.

ນຳທາງດ້ວຍສະວິດກ້ອງ

ທ່ານສາມາດໃຊ້ສະວິດກ້ອງເພື່ອນຳທາງໂທລະສັບຂອງທ່ານໄດ້ດ້ວຍການສະແດງສີໜ້າ. ເລືອກເບິ່ງ ຫຼື ເລືອກແອັບໃນໂທລະສັບຂອງທ່ານດ້ວຍການໃຊ້ກ້ອງໜ້າໃນໂທລະສັບຂອງທ່ານ.
ນອກຈາກນັ້ນ, ທ່ານຍັງສາມາດປັບແຕ່ງຄວາມໄວສີ ແລະ ໄລຍະເວລາຂອງທ່າທາງແຕ່ລະຢ່າງເພື່ອໃຫ້ເໝາະກັບຄວາມຕ້ອງການຂອງທ່ານຫຼາຍຂຶ້ນໄດ້ນຳອີກ.

ບັນທຶກທາງລັດ

ທ່ານສາມາດບັນທຶກທ່າທາງສຳຜັດທີ່ສາມາດກຳນົດໃຫ້ກັບສະວິດ ຫຼື ທີ່ເລີ່ມການເຮັດວຽກຈາກເມນູໄດ້. ທ່າທາງສຳຜັດສາມາດຮວມມີການບີບ, ການຊູມ, ການເລື່ອນ, ການປັດ, ການແຕະສອງເທື່ອ ແລະ ອື່ນໆ. ຈາກນັ້ນທ່ານສາມາດເລີ່ມການເຮັດວຽກທີ່ຊ້ຳໆ ຫຼື ຊັບຊ້ອນໄດ້ດ້ວຍສະວິດດຽວ, ຕົວຢ່າງ: ການບັນທຶກທ່າທາງແບບປັດໄປຊ້າຍ 2 ເທື່ອເພື່ອພິກໜ້າຂອງ e-book ໄປ 2 ໜ້າ.

ປະກາດກ່ຽວກັບສິດການອະນຸຍາດ
• ບໍລິການຊ່ວຍເຫຼືອພິເສດ: ເນື່ອງຈາກແອັບນີ້ແມ່ນບໍລິການຊ່ວຍເຫຼືອພິເສດ, ມັນຈຶ່ງສາມາດຕິດຕາມເບິ່ງການດຳເນີນການຂອງທ່ານ, ດຶງເອົາເນື້ອຫາໜ້າຈໍ ແລະ ສັງເກດຂໍ້ຄວາມທີ່ທ່ານພິມໄດ້.